Акафист святому преподобному и богоносному

отцу Пио, италийскому чудотворцу.

 

Кондак 1

 

Избранный по предуведению Божьему, угодниче Христов, преподобне отче наш Пие! Прославляюще Господа Славы, давшего в тебе всему роду христианскому крепкого заступника и молитвенника, в бедах помощника и утешителя, похвальное принесем тебе пение; ты же твоими теплыми молитвами у Престола Святой Троицы от всяких бед душевных и телесных избавь всех,  к  тебе ныне взывающих:

Радуйся,  преподобне отче наш Пие, пастырь богомудрый и преславный чудотворец!

Или:   Радуйся, святый отче наш Пие, милосердный наш пред Богом заступниче и предивний чудотворче!

 

Икос 1

 

Ангелов Творец, равноангельское житие твое предвидев, от дней детства твоего избрал тебя служити Ему в преподобии и правде, многими добродетелями и дарами небесными тебя украсил, дав силу изгонять демонов, врачевать недуги, скорбящих, утешать ожесточенные сердца исцелять. Сего ради от нас прими хвалу и молитву сотвори о спасении душ, почитающих святую память твою, святый наш заступниче, да величаем тебя:

Радуйся, во славу Божию поживший!

Радуйся, более всего земного Господа возлюбивший!

Радуйся, на него Единого все упование возложивший!

Радуйся, душевной  чистоты хранитель нелицемерный!

Радуйся, истинный слуга Христов благой и верный!

Радуйся, огнем молитвы твоея бесовские стрелы  опаляющий!

Радуйся, беды и печали от чтущих тебя отгоняющий!

Радуйся, преподобне отче наш Пие, пастыре богомудрый и преславный чудотворче!

 

Кондак 2

 

Видящие благочестивые родители твои Мария Джузеппа и Грацио Форджоне дитя свое благочестием и богомыслием с детства Всевышним одаренное и крепкою любовию к Христовой Церкви озаренное, в радости духовной воспевали Господу о тебе: «Аллилуйя!».

 

Икос 2

 

Разум богопросвещенный даровался тебе, преподобне отче, от дней детства твоего, ибо не игрищам и забавам, а молитве, пению псалмов и песней духовных, чтению писаний Божественных усердно прилежал, и благочестивое житие братьев – францисканцев увидев, к иноческим трудам устремился сердцем твоим. Мы же, с радостно сие вспоминая, величаем тебя:

Радуйся, доброго корене отрасль благородная!

Радуйся, лоза винограда Христова многоплодная!

Радуйся, чадо молитвы родителей благочестивых!

Радуйся, надежда и утешение сердец их боголюбивых!

Радуйся, от малых лет сладость молитвы вкусивший!

Радуйся, душу твою к Богу устремивший!

Радуйся, кротостью и беззлобием Господу  подражавший!

Радуйся, от юности твоея добродетели христианские стяжавший!

Радуйся, преподобне отче наш Пие, пастырь богомудрый и преславный чудотворче!

 

Кондак 3

 

Сила и благодать Бога Всевышнего, врачующая немощи и восполняющая оскудевающее, обильно снизошла на тебя во дни юности твоей, угодниче Христов,  сохранила тебя в болезнях и напастях, укрепила тебя в учении твоем духовном. Ты  же от малых лет прославлял  Всещедрого Бога, Врача душ и телес наших, поя Ему песнь: «Аллилуйя!»

 

Икос 3

 

Имея помысел чист и душу непорочную, святый отче, уразумел  суетность и непостоянство мира сего, в обитель преславную богоспасаемого ордена братьев меньших капуцинов вселился  и там вечные обеты иноческие Господу принес. Мы же, сему радуясь, таковые похвалы приносим тебе:

Радуйся, обетом девства чистоту сердца твоего явивший!

Радуйся, обетом нестяжания высоту духа твоего показавший!

Радуйся, обетом послушания Богу и ближним преславно послуживший!

Радуйся, постом  и непрестанными молитвами Богу угодивший!

Радуйся, тяготы жития монастырского радостно перенесший!

Радуйся, в добродетели терпения нас утверждающий!

Радуйся, от сна греховного души наши пробуждающий!

Радуйся, молитве сердечней нас научающий!

Радуйся, преподобне отче наш Пие, пастырь богомудрый и преславный чудотворче!

 

Кондак 4

 

Бурей житейских мудро избежав, жизнь светскую на царствие небесное переменил, достославный угодник Христов; сего ради Спаситель чудесами преславными тебя прославил, и вместо временных благ, оставленных тобою ради любви к Нему, благами нетленными и вечными тебя обогатил. Ему же молись прилежно, достохвальный отче, спасение вечное получить и нам, умиленно Творцу Нашему о тебе поющих: «Аллилуйя!».

 

Икос 4

 

Услышав, иерархи Церкви Римской об исправном монашеском житии твоем, отче наш Пие, и  о послушаниях многотрудных, тобою весело носимых, глубине смирения, мире и радости о Господе, узрели плоды Духа Святого, обильно процветшие в тебе, отче преподобне, и в сан пресвитера торжественно тебя посвятили. Тем же и мы, зряще духовное восхождение от силы в силу, с благоговением взываем:

Радуйся, благодатную силу смирения познавший!

Радуйся, всецелое доверие Богу стяжавший!

Радуйся, в живое общение с Господом вступивший!

Радуйся, мир Христов наитием Духа Святого получивший!

Радуйся, на земле блаженство будущего века вкусивший!

Радуйся, сан священства, как дар Божий, приявший!

Радуйся, Жертву Бескровную со страхом и трепетом совершавший!

Радуйся, словом мудрым всех приходивших к тебе питавший!

Радуйся, преподобне отче наш Пие, пастырь богомудрый и преславный чудотворче!

 

Кондак 5

 

Богославно, как звезда путеводная, наставлял ближних твоих в правде Христовой, преподобне отче наш Пие, и примером жития твоего многих ко Иисусу привел; ныне же всю Церковь озаряешь чудесами твоими. Тем же просим тебя: не престай умолять за нас Господа, дабы сподобиться и нам  вместе с тобою петь Ему: «Аллилуйя!»

 

Икос 5

 

Видя Премудрый Господь наш благое сердца твоего устроение, усердное заповедей Его исполнение и великую любовь твою к Нему, достохвальный отче Пие, благословил тебя и к сугубому служению призвал тебя, дара стигматов тебя сподобив, да образом твоим телесным великую цену искупления нашего проповедуешь. Мы же ныне просим тебя, озари души наши благодатью Христовой и утверди сердца наши по Боге гореть, и прими величания:

Радуйся, язвы Христовы на теле твоем носивший!

Радуйся, страдания твоея во славу Божию посвятивший!

Радуйся, живой образ страстей Христовых явивший!

Радуйся, сим многих к покаянию и исправлению обративший!

Радуйся, сего ради великую благодать от Творца получивший!

Радуйся, любить Бога и творить волю наставляющий!

Радуйся, от заблуждений духовных исцеляющий!

Радуйся, от путей погибельных нас удаляющий!

Радуйся, преподобне отче наш Пие, пастырь богомудрый и преславный чудотворче!

 

Кондак 6

 

Проповедник немолчный и евангельских истин возвеститель явился  в пастырском служении твоем, святый отче наш Пие, наставляя паству твою в добродетелях христианских: смирении, доверии Богу, кротости, человеколюбии и целомудрии. Мы же ныне молим тебя, угодниче Христов, представительством твоим небесным испроси и нам боголюбезные добродетели, да не поработимся страстям греховным, но благочестно воспоем Создателю Нашему: «Аллилуйя!»

 

Икос 6

 

Воссиял  светом добродетелей твоих, богоблаженный Пие, и ими озарил  всю церковь Христову, многие души ко Христу привел, многих в вере и благочестии укрепил, иных же к покаянию и исправлению жития привел. Мы же, вся сия ныне вспоминая, просим тебя, угодниче Господень, наставь и нас на путь жития благочестивого,  да радостно зовем тебе:

Радуйся, нечестивые обычаи неуклонно искореняющий!

Радуйся, кротких и благих нравов благоискусно насаждающий!

Радуйся, дев и юношей в целомудрии утверждающий!

Радуйся, от искушений и соблазнов удаляющий!

Радуйся, к земным богатствам сердцем не прилепляться научающий!

Радуйся, от похоти себялюбия нас исцеляющий!

Радуйся, милосердие в сердцах наших пробуждающий!

Радуйся, за вся Творца благодарить подвигающий!

Радуйся, преподобне отче наш Пие, пастырь богомудрый и преславный чудотворче!

 

Кондак 7

 

Желая духом в горние селения возноситься, богославный отче наш Пие, в бушующем мире душою надмирно пожил, подвигом добрым до конца подвизаясь, труды к трудам прилагая, неустанно и праведно поя Богу: «Аллилуйя!»

 

Икос 7

 

Новые подвиги и труды по устроению жизни христианской подъял, отче преподобне, чад духовных на усердное служение Христу Богу и исполнение заповедей Его вдохновляя. Тогда люди неразумные воздвигли на тебя гонения, стремясь отвратить от трудов сих. Ты же, святый Пие, благодатью свыше укрепленный, скорби и искушения  преславно победил. Мы же, всё сие ныне вспоминая, память твою славим и вопием тебе:

Радуйся, никого от приходивших к тебе отвергавший!

Радуйся, любовию твоею всё покрывавший!

Радуйся, ибо тобою ум наш в Богомыслии научается!

Радуйся, ибо тобою мрак неведения прогоняется!

Радуйся, от плевел ненависти сердца наша очищающий!

Радуйся, светом любви нелицемерные  озаряющий!

Радуйся, заповеди Евангельские исполнять подвигающий!

Радуйся, друг друга тяготы носити нас научающий!

Радуйся, преподобне отче наш Пие, пастырь богомудрый и преславный чудотворче!

 

Кондак 8

 

Странное и преславное чудо видим на тебе, преподобне авво Пие, ибо прославил тебя Всемогущий Бог на земли, обогативши великими благодатными дарами: прозорливости, пророчества, любви, молитвы, исцеления; ими же ближним твоим усердно и нелицемерно послужил, благодарственно песнопоя Господеви: «Аллилуйя!».

 

Икос 8

 

Весь любви и сострадания к людям обездоленным преисполненный, отче наш Пие; и любовию же подвигаемый в Сан – Джованни Ротондо лечебницу пречудную воздвиг  и дал имя ей «Дом облегчения страданий»; в ней же многие люди страждущие исцеления духовное и телесное обретали. Мы же, ныне сие вспоминая, просим тебя, отче преподобне, твоею молитвою исцели и нас, да благодарственнее зовем ти:

Радуйся, ближним твоим, как Самому Христу, послуживший!

Радуйся, спасению их душевному и исцелению телесному себе посвятивший!

Радуйся, лютых и неисцельных недугов телесных врачеватель!

Радуйся, немощей и страстей душевных целитель!

Радуйся, всем приходящим к тебя благ преизобильный податель!

Радуйся, Бога и ближних любити нас научающий!

Радуйся, страждущим служити нас подвигающий!

Радуйся, милосердие Божие к нам приклоняющий!

Радуйся, преподобне отче наш Пие, пастырь богомудрый и преславный чудотворче!

 

Кондак 9

 

Всяческих скорбей, бед и напастей избавляешь нас, преславный чудотворче, твоими горячими молитвами к Богу; сего ради молим тебя: испроси наш всё к временней и вечной жизни полезное и потребное, да сподобимся горнего Иерусалима достигнуть и с тобою Господу воспевать: «Аллилуйя!».

 

Икос 9

 

Витии преискусные не возмогут по достоянию восхвалить труды, подвиги и  добродетели твои: ибо от юности до маститой старости неустанно Господу работал, труды ко трудам прилагая и от силы в силу восходя, да прославится в тебе Христос, Его же ради подвизался, Его же возлюбил, Его же Единого вожделела душа твоя. Тем же молим тебя, святый Пие, приклони милость сердца Иисусова и к нам, взывающим тебе:

Радуйся, исполнение заветов святого Франциска явивший!

Радуйся, многих святых добродетели в себе совокупивший!

Радуйся, на высоту совершенства о Христе взошедший!

Радуйся, как солнце, в Царствии небесном сияющий!

Радуйся, монашествующих похвала и утверждение!

Радуйся, мирян в благочестивом житии укрепление!

Радуйся, во всяком скорбном состояние помощь твою дарующий!

Радуйся, в радости Творца благодарити нас побуждающий!

Радуйся, преподобне отче наш Пие, пастырь богомудрый и преславный чудотворче!

 

Кондак 10

 

Спастись желая от различных напастей и бед, богославне отче наш Пие, теплого предстателя и молитвенника к Богу призываем тебя: сотвори обильные исцеления, да чудесами твоими благодатно озаряемые, неустанно и праведно воспеваем Всемилосердному  и Всемогущему Богу: «Аллилуйя!»

 

Икос 10

 

Стена необоримая и заступление всемощное всему миру христианскому даровался образ Пречистой  Матери Божий Фатимской, его же радостно встретил святой Пио в Сан- Джованни Ротондо, и исцеление от Всенепорочной Матери Христа – Бога Нашего сподобился  принять. Сего ради мы, все свое упование на Пречистую Деву возлагая, тебе, преподобне отче наш Пие, как истиннаго служителя и послушника Владычицы Нашей Небесной восхваляем:

Радуйся, в кротости и смирении Матери Божией подражавший!

Радуйся, все упование твое на Царицу Небесную возлагавший!

Радуйся, Небесную помощь от нее получавший!

Радуйся, Пресвятой Богородице верно послуживший!

Радуйся, во дни и в нощи молитвы к Ней слезно возносивший!

Радуйся, к чтению святого Розария нас подвигающий!

Радуйся, милость Матери Церкви к нам преклоняющий!

Радуйся, иконы Её благоговейно почитать научающий!

Радуйся, преподобне отче наш Пие, пастырь богомудрый и преславный чудотворче!

 

Кондак 11

 

В пениях наших всеумиленных восхвалим Господа Бога, даровавшего нам тебя,  пречудного защитника и небесного покровителя. Мы же, наученные тобою, святый отче наш Пие, веровать истинам Евангельским, воспоем в Троице славимому Богу: «Аллилуйя!».

 

Икос 11

 

Светозарный светильник души твоея сохраняя вечно горящим, мирно и тихо причастившись святых тела и Крови Христовых, богоносне отче наш Пие, отошел  ко Господу. Небесным блаженством просиял по смерти лик твой, и несказанные благоухание исходило от многострадального тела твоего. Множество народа с любовию и слезами провожало в последний путь тебя, великого и преславного угодника Божьего. Мы же, сие ныне вспоминая, просим тебя, святый Пие, умоли Господа и нам блаженную кончину даровать и прими величания:

Радуйся, слезами и молитвами себе к смерти приготовивший!

Радуйся, блаженную кончину от Бога приявший!

Радуйся, житием и исходом твоим нас поучающий!

Радуйся, праведною кончиною святость жития твоего показывающий!

Радуйся, от внезапной смерти нас избавляющий!

Радуйся, к покаянию во грехах наших призывающий!

Радуйся, в смертный час всем нам благонадежный помощниче!

Радуйся, от насилия демонского многомощный наш защитниче!

Радуйся, преподобне отче наш Пие, пастырь богомудрый и преславный чудотворче!

 

Кондак 12

 

Благодать велию и богатую милость приял  от Христа Бога Нашего молиться за всех, с верою тебя призывающих; тем же молим тебя: помоги нам  представительством твоим у Господа сохранить  в сердце веру  истинную, упование непреложное, любовь к Богу и к ближним нелицемерную, да сподобимся купно с тобою вечно Господу воспевать: «Аллилуйя!».

 

Икос 12

 

Поюще твое прославление в лики святых Церкви Вселенской хвалим, славим и ублажаем тебя любовию, преподобне отче наш Пие, как заступника и молитвенника о нас пред Господом. Ты же благодатью освяти и просвети омраченные грехом умы и сердца наша, наставь нас на путь спасении, утоли скорби наши земные и радости духовной нас исполни. Ибо ты светом благодати твоея нас озаряешь, сердца наша увеселяешь и подвигаешь нас петь:

Радуйся, как отец чадолюбый просящим полезное подающий!

Радуйся, как мати, нежная в скорби утешающий!

Радуйся, из пучин отчаянья извлекающий!

Радуйся, светом надежды озаряющий!

Радуйся, взоры людские к Небесам обращающий!

Радуйся, от плевел нетерпимости избавляющий!

Радуйся, дружбу и любовь меж христианами укрепляющий!

Радуйся, о соединении Католической и Православной Церквей Творца Мира умоляющий!

Радуйся, преподобне отче наш Пие, пастырь богомудрый и преславный чудотворче!

 

Кондак 13

 

О, преподобне отче наш Пие, предивный чудотворче и целитель, благостный утешитель и скорый заступник! Прими малые приносимые тебе похвалы и воздыхания сердечные и, предстоя Престолу Царя Славы, всегда молись о всех нас, чтущих любовию память твою, да милосердие Божие, неизреченное, спасающее верных от бед в земном житии и от гибели вечной, излиется на нас, поющих о тебе с упованием и верою Богу: «Аллилуйя!».

 

Этот кондак читается 3 раза, затем Икос 1 и Кондак 1; после чего – заключающая молитва.