Акафист Святому Франциску

 

Кондак 1

 

Избранный от страны Италийской, ангелоподобный отец наш Франциск, всем житием твоим Прославивший Христа и путем крестным за Ним последовавший, всеславными подвиги твоими многих людей в разных странах на путь святости вдохновивший; просим тя, внемли гласу твоих детей духовных и молитвами твоими приведи во Царствие Небесное всех тебе ныне зовущих:

Радуйся, святый чудотворче Франциск, светом любви Христовой пути жизни нашей озаряющий!

 

Икос 1

 

Ангелов собеседник и людей наставник богомудрый, святой отец наш Франциск, в радости о Господе и любви к ближнему прошедший путь жития твоего земного, предстоящий к великой славе пред престолом Отца Предвечнаго, просим тебя, святый наш заступник, нас, неверных и грешных детей Божиих, приведи молитвами твоими в долину вечной радости и приими с любовию (и радостию) приносимые тебе похвалы сия:

Радуйся, любовью к Богу сердца наша преображающий!

Радуйся, любити ближних всех нас учающий!

Радуйся, нищетою Христовою души наши обогащающий!

Радуйся, слабую веру нашу преславно обновляющий!

Радуйся, пламя надежды в сердцах наших возжигающий!

Радуйся, любящим тебя благословения небесные посылающий!

Радуйся, дары Всесвятаго Духа стяжать нам помогающий!

Радуйся, идти путем Христовым нас наставляющий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 2

 

Видя взором духовным во дни юности твоей, святый Франциск, суету сует и гордость житейскую, отвергнув греховные пути мира, и Христа за нас Распятого всею душею и всем помышлением твоим возлюбил, Мудростью вечною озаряемый, неустанно возглашал сердцем твоим Просветившему тебя Господу Иисусу: «Аллилуйа!»

 

Икос 2

 

Разумом светлым и чистым сердцем изволению Божию повиновался, пречудный Франциск, и не уподобился евангельскому богатому юноше вопрошавшему Христа, что нужно сотворить, дабы наследовать жизнь вечную, ибо ты оставил не только сокровища многоценные, но все блага мирские, и за Распятом Господом последовал. Мы же, вспоминая сие, просим тебя, ниспошли и нам благословение Божие, да зовем ти:

Радуйся, подобно блаженной Марфе Вифанской благую часть себе избравший!

Радуйся, подобно апостолу Матфею оставив злато, за Иисусом последовавший!

Радуйся, как апостол Петр, души многих для Царствия Божьего сохранивший!

Радуйся, как апостол Павел, новую жизнь и новые деяния во Христе обретший!

Радуйся, целое древо плодов покаянных Богу преславно принесший!

Радуйся, в самопроизвольной нищете духовное богатство стяжавший!

Радуйся, от тягости и суетности сердца наша освобождающий!

Радуйся, радостью духовной души наши наполняющий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 3

 

Силою и благословение Духа Всесвятаго движимый, блаженный Франциск, ты оставил отца земного, дабы служить только Отцу небесному, и быть не наследником праведных богатств земных, а не тленных сокровищ небесных; помышляя же об этом, ты воззвал Премудрому и Милосердному Творцу Нашему: «Аллилуйа!»

 

Икос 3

 

Имея в сердце твоем твердом упование на всесильную помощь Божию и пламенное желание только Единому Господу Предвечного служити, вдохновленный Всемудрым Творцом, притек, святый Франциск, ко епископу града Ассизского, и от него принял благословение на подвит жития нестяжательного и проповеди Слова Божьего среди народа теплохладного. Мы же любовь твою ко Христу, ради которого ты оставил дом родительский, воспеваем и величам тебя, поем ти:

Радуйся, подлинную свободу во истине Христовой снискавший!

Радуйся, больше всего земного Сладчайшего Спасителя почитавший!

Радуйся, богомыслием, трезвлением и добронравием озаренный!

Радуйся, неизреченным Величием Божим восхищенный!

Радуйся, умалившему о нас ради Иисусу усердно подражавый!

Радуйся, Всенепорочной Деве Марии великую честь воздававшый!

Радуйся юродством  твоим гордость житейскую преславно обличивший!

Радуйся, высшую Премудрость всем житием твоим явивший!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 4

 

Бурею помышлений о грядущем служении твоем Богу разрешить желая, удалился, блаженный Франциск, в разрушенную базилику святого Дамиана и, молясь усердно пред Распятием, услышал глас Христов, призывающий тебя воссоздать церковь Его; и так со временем постиг волю (Божию) Спасителя Нашего, жаждущего не столько восстановления каменных храмов, а сколько воскрешения образа Божия в душах теплохладных, дабы все христиане приносили бы Ему вместе с тобою песнь покаяния и благодарения: «Аллилуйа!»

 

Икос 4

 

Слышав глас Господень, преславный Франциск, уразумел, что угодно Иисусу служение твое, сего же ради возблагодарим Спасителя и воспел Ему гимны всерадостные. Видя же пречудное житие твое и дары благодати, возсиявшие на тебе мужи благочестивые поселились вместе с тобою, внимая богомудрым наставлениям твоим, все ко славе Божией и пользе ближнего устрояли. Богомудрй наместник Христов Иннокентий III благословил общину и устав твой и со братией твоею пострижением монашеское вам всем даровал. Мы же, ныне просим тя, настави и нас на путь благочестия и приими похвалы сия:

Радуйся, святые раны Христа в сердце носить  научающий!

Радуйся, в благоговении пред Тайной Искупления нас утверждающий!

Радуйся, язвы духовные и недуги телесные благодатно исцеляющий!

Радуйся, омертвелые души наши чудесно оживляющий!

Радуйся, к презрению греха обманов и покаянию призывающий!

Радуйся, только во Христе видеть богатство душ наших вразумляющий!

Радуйся, милости великие от Милосердного Бога нам истощающий!

Радуйся, благодарению и праведному славословию Бога нас всех наставляющий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 5

 

Божественной благодатию укрепленный, всеблаженный Франциск, разорвал цепи мирские и изгнал из сердца твоего неправый дух стяжательства, и ничто земное, скоротечное больше не владело тобою; исполнившись же духом мирным, ты распространил благость Христову на церковь и общество, примирил градоначальника Ассизского с его недругами и вознес хвалу Всевышнему; люди же Ассизские, узрев во юродстве твоем сияние высшей мудрости, воспели Богу о тебе: «Аллилуйа!»

 

Икос 5

 

Видя междоусобицу градов италийских, вражду людей, столкновения внутри семей христианских, святый отец наш Франциск, явился для всех апостолом мира и благословения Христова; сего ради мы и ныне просим тебя: от озлобления и ненависти очисти наши души наши, научи нас друг друг тяготы носити и прощати ближнего ради Господа Иисуса. Мы же, вдохновляясь примерами всего святого твоего жития, воспеваем тебе таковые похвалы:

Радуйся, великий и святой миротворец, углия злобы угасающий!

Радуйся, орудием мира и благословения Христова всегда быти нас подвизающий!

Радуйся, от непрощения и застарелых обид скорбные сердца наши исцеляющий!

Радуйся, волны сомнений о твердый камень веры разбивающий!

Радуйся, мрак отчаяния светом надежды озаряющий!

Радуйся, плевелы печали огнем божественной радости пожигающий!

Радуйся, отраду и утешение приносить ближним нас научающий!

Радуйся, всех нас от тяготы уныния преславно освобождающий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 6

 

Проповедник блаженств евангельских, нищеты духовной, чистой бедности жених, предивный Франциск, ты многим среди земных дорог широких указал тесный путь, ведущий в Царствие Небесное, слабых духом поддержал и падающих и искушаемых неустанно Святую Троицу умолял; и, в восхищении пред Премудростью и Милосердием Бога Нашего пребывая, подобно царственному пророку Давиду, воспевал: «Аллилуйа!»

 

Икос 6

 

Возсиял в боголюбивой душе твоей, святой Франциск, свет великой любви ко всему творению Божию; ибо ты, созерцая красоту и гармонию мира дальнего, к миру горнему на крыльях веры возносился, неустанно славословя Всемогущество, Мудрость и Милосердие Творца Нашего. Мы ныне просим тебя: научи и нас во всем добром и прекрасном видеть благую руку Любящего нас Бога и милостиво прими с верою и любовью приносимые тебе величания сия:

Радуйся, в смирении сердца мудрость божественную стяжавший!

Радуйся, песнь любви Святой Троицы радостно воспевающий!

Радуйся, птицам и пчелам о Христе возвещавший!

Радуйся, лютого волка в кроткого агнца претворивший!

Радуйся, к сестре – воде, брату – огню любовь твою явивший!

Радуйся, дивный гимн во славу брата – солнца сложивший!

Радуйся, радостью о Боге сердца наши наполняющий!

Радуйся, светом Фаворским души наши просветля озаряющий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 7

 

Желая показать любовь свою к детям Божиим, Премилосердная Матерь Господа благословила тебя, преподобный Франциск, и умолила Сына Своего дать отпущение наказаний за грехи всем, кто в сокрушении сердечном посетит храм Ее в Порцинколе. Ты же, угодниче Божий, внял словам Царицы Небесной, отправился в Рим и от наместника Христова Гонория III получил утверждение этой индульгенции, дабы возмогли Христиане вновь Милосердному Спасителю Своему возносить радостное пение: «Аллилуйа!»

 

Икос 7

 

Дивную и неизреченную тайну воплощения Сына Божиего свято и благовейно почитая, святый отец наш Франциск, хвалу великую Всенепорочной Деве Марии, Матери Бога – Слова, Владычице Небесной, неустанно вознося Пречистой Богородице молитвы за весь мир и гимны радостные в честь Заступницы Усердной слагая. Мы же, ныне просим тебя, преславного служителя Царицы Ангелов, приклони и к нам милость Сердца Ее и приими похвалы сия:

Радуйся, поклонение Приснодеве всякий день и час воздававший!

Радуйся, возлюбленную Дочь Отца Небесного величавший!

Радуйся, всесвятую Невесту Духа Святаго умиленно восхвалявший!

Радуйся, нескверную Матерь Христову смиренно воспевающий!

Радуйся, в радости вечной ныне вместе с Нею пребывающий!

Радуйся, о спасении нашем вместе с Нею Иисуса умолающий!

Радуйся, иконы и статуи Святой Девы благоговейно почитати нас научиющий!

Радуйся, к усердному чтению Святого Розария нас всех подвигающий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 8

 

Странное и чудное знамение явил на тебя, Всемудрый Творец Наш, егда тебе в посте и молитве на горе Вериа пребывающему, послал шестикрылого своего огнезрачного Серафима, через которого, видя великую любовь твою к Иисусу, дара тяжкого стигматов Господь тебя сподобил. Ты же, о всеблаженный Франциск, с радостью носил на теле твоем знаки страстей Христовых, воспевая о торжестве искупления песнь победную: «Аллилуйа!»

 

Икос 8

 

Весь исполненный любви Божественной, блаженный Франциск, светом благодати Божией возсиял пред людьми, ибо ты, прияв дар стигматов, о великой цене искупления нашего пред миром неустанно свидетельствовал и, подобно первоверховному апостолу Павлу, мог праведно глаголати, что язвы Христову носишь на теле своем. Воспоминая же об этом, мы просим тебя, отче преподобный, научи нас образ креста Господа всегда хранити в душах наших и не остави нас без благодатной твоей помощи и заступления, да благодарно зовем тебе:

Радуйся, образ распятой любви Бога во всем служении твоем явивший!

Радуйся, в скорбном пути на Голгофу Господа духовно сопровождавший!

Радуйся, умы и сердца наши от суеты и праздности исцеляющий!

Радуйся, с вечностью соизмерять шаги наши нас научающий!

Радуйся, теплохладие наше огнем Божественным преобразующий!

Радуйся, от пристрастей греховных и обычаев душевредных нас освобождающий!

Радуйся, нравы добрые и человеколюбие в нас насоздающий!

Радуйся, от дольнего к горному помыслы наши образующий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 9

 

Всеми богоугодными добродетелями украшенный, всехвальный отец наш Франциск, любовию вечной истине (правде) Серафимически воспламенный состраданием к людям, светом Евангелия не озаренным и сполненный Апостолам и благовестним Христовым подражая, ты, угодниче Божий, проповедовал веру спасительную все только в Италии и Франции, но и достиг пределов Египетских, где дерзновенно предстал султану Мелику-аль-Камилю, возвещая ему спасение во Христе, с надеждою в сердце укреплявшему тебя Господу воспевая: «Аллилуйа!»

 

Икос 9

 

Витий многообещанных глаголы и поэтов одаренных слова никогда не возмогут в полноте воспеть славу всех подвигов твоих, богоносный Франциск, во славу Божию на земли сотворенных; ибо ты не только многих людей в Европе наставил на путь истинный, но и правителя мусульманскаго подвиг к милосердию, убедив его отпустить узников христианских. Мы же, вспоминая об этом, просим тя, всеславный наш покровителю, сподоби и нас стать источниками света Христова, озаряющего весь мир, и приими милостиво величания сия:

Радуйся, тьму жизни нашей светом заповедей Христовых озарявший!

Радуйся, в трудах благовествования утомления не знавший!

Радуйся, последователей твоих на проповедь Слова Божьего вдохновляющий!

Радуйся, образом жития твоего и силою веры истину утверждавший!

Радуйся, всегда и во всем на Спасителя уповать научающий!

Радуйся, делателей на пустующие нивы Христовы посылающий!

Радуйся, миссионеров и катехизаторов преславно укрепляющий!

Радуйся, сердца неверующих ко Христу – Спасителю обращающий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 10

 

Спасения всех желая, добромудрый Франциск, до конца дней своих людей многим, делами мирскими обремененных, наставлял и укреплял, отраду им своим попечением подавая и тяготы трудов облегчая, жизни по Заповедем Евангельским всех наставляя, ибо от всякого сословия и народов разных приходили к тебе мужи и  жены. Ты же, угодниче Христов верных чад твоих объединил в три ордена, дабы и иноки, и монахини, и миряне достойно и праведно воспевали Иисусу: «Аллилуйа!»

 

Икос 10

 

Стену ненависти и злобы людской силою молитвы твоей разрушая, богомудрый Франциск, ибо наставил  людей страны италийской и иные народы любить Бога и ближних своих, в каждом человеке узрев образ Божий, за все всегда Творца благодарити и житие наше по заповедям Его устроять в мире и в радости с собой, людьми и Иисусом пребывать, славословить Спасителя сердце чистым и необремененным суетою земною. Сего ради мы вновь приносим тебе похвалы:

Радуйся, дарами кротости и благости нас преображающий;

Радуйся, от сомнений в Промышлении Божиим нас исцеляющий;

Радуйся, в простоте видеть высшую премудрость научающий;

Радуйся, освещать истиной души заблуждающихся наставляющий;

Радуйся, благодать прощения в сердца злобствующих приносящий;

Радуйся, от черствости и жесткости скоро их врачующий;

Радуйся, миром Божиим и отрадою души наши наполняющий;

Радуйся, быти орудием мира Божиего нас спододвигающий;

Радуйся, святый чудотворче Франциск, светом любви Христовой пути жизни нашей озаряющий!

 

Кондак 11

 

Пение радостное и похвалы сердечные на западе и на востоке (искренним сердцем) приносят тебе, христиане, любящие тебя и на предстательство (и покровительство) твое уповающие; Ты же, святой Франциск, просьбы их к престолу Всемилостивого Творца возносишь, отраду и утешение почитающих тебя ниспосылаешь и позвизаешь воспевати Богу Нашему, Дивному во Святых Своих ангельское пение: «Аллилуйа!»

 

Икос 11

 

Светом небесным озаренный, богомудрый отец наш Франциск, простив всех и прощение у Бога прося, радостно с пением псалмов Давидовых встретил сестру нашу Смерть, соединившую тебя на веки с Возлюбленным тобою Господом Нашим. Мы же, благословенное представление твое вспоминая, радуемся и веселимся, ибо ты, ныне во чертогах Отца Небеснаго пребывая, нас не забываешь, и благодать Божию посылаешь всем нам, тебе с верою и надеждою и любовью взывающим:

Радуйся, блаженной кончиной твоею нас научающий!

Радуйся, и нам благий исход к жизни вечной устрояющий!

Радуйся, в неизреченной славе Творца мира ныне созерцающий!

Радуйся, в благоухании Божией святыни вечно прибывающий!

Радуйся, от недоверия к Богу и роптаний сердца наши исцеляющий!

Радуйся, мир Божий в души наши превносящий!

Радуйся, все добрые прошения наши исполняющий!

Радуйся, о прошении грехов наших Христа умоляющий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 12

 

Благодать великую даровал тебе Господь, предивный угодниче Божий, ибо ты еще и в земной твоей жизни убедил друзей и последователей твоих сохранять верность царственному пути заповедей Христовых. По прошествии же столетий после блаженной кончины твоей вновь и вновь люди многие, как на Востоке, так и на Западе мира Христианскаго, взирая на образ твой, устраивают жизнь свою по заветам твоим. Поэтому мы ныне усердно просим тебя: Буди и нам скорый помощниче, молитвами твоими исцели нас, да и покаянием ощищенные внидем мы во Царствие Небесное, и тамо вместе с тобою и всеми угодившими Богу, воспоем: «Аллилуйа!»

 

Икос 12

 

Воспевая многотрудное житие твое, богоблаженный авва Франциск, величаем долготерпения, хвалим апостольские и пастырские труды твои, славим кротость и смирение, ублажаем святую кончину твою, торжествуем великие и преславные чудеса твои; и почитаем тебя, небесного покровителя, и наставника и утешителя нашего, ибо ты, отче преподобне, от бед и скорбей избавляеши, недуги врачующи, печали утоляшь всех, чтущих святую память твою. Мы же, благодаря и величая Прославившего тебя Милосерднаго Господа Нашего, таковые похвалы умиленно приносим ти:

Радуйся, от малодушия и маловерия всех нас преславно исцеляющий!

Радуйся, в недрах Божественного милосердия искать прибежище нас научающий!

Радуйся, милость сердца Марии к нам приклоняющий!

Радуйся, отчаянных и унылых светом радостной надежды озаряющий!

Радуйся, скорбь бедных и горе нищих утоляющий!

Радуйся, богатых к милосердию и благотворению подгоняющий!

Радуйся, о мире и единстве всех христиан Творца умоляющий!

Радуйся, распни между народами охлаждающий!

Радуйся, святый чудотворче Франциск, светом любви Христовой пути жизни нашей озаряющий!

 

Кондак 13

 

О всеблаженный и всехвальный отец наш Франциск, дивный целебниче и притекающим к тебе скорый помощниче, не лиши и нас, смиренно к тебе приходящих благодатного твоего заступления: болезни наши душевные и телесные исцели, скорби утоли, жизнь умири, да предстательством твоим к Отцу Небесному избавимся ото всякого зла и сподобимся вместе с тобою во веки воспевати Его: «Аллилуйа! Аллилуйа! Аллилуйа!»