АКАФИСТ  

СВЯТОМУ ПАПЕ РИМСКОМУ  

ИОАННУ-ПАВЛУ II 

 

Кондак 1 

 

Избранного Господом и Возлюбленного Богоматерью, сына великого народа славянского, на престоле первосвященника Церкви Вселенской, подобно солнцу, возсиявшего, святого отца нашего Иоанна-Павла Великого, в песнях духовных ныне величаем. Ты же, угодниче Божий, не забуди и нас, многогрешных, во святых твоих молитвах, да зовем ти: Радуйся, святый отче наш Иоанне-Павле Великий, архипастырю вселенский и теплый молитвенниче о спасении нашем! 

 

Икос 1 

 

Ангельское житие от юности возлюбив, ко исканию единого на потребу направив помыслы твои, святый отче наш Иоанн Павле, и дивный образ добродетелей христианских и совершенства духовного во всем житии и великом служении твоем явил еси. Сего ради и возвеличен был еси на земли от народов христианских и на небесах от Господа Иисуса прославлен. Мы же, благоговейно святую память твою чтуще, таковые похвалы тебе приносим: 

Радуйся, дивный избраниче Божий, спасению нашему послуживший! Радуйся, учениями твоими всю Церковь Христову просветивший! Радуйся, всем житием твоим Святой Троице угодивший! Радуйся, многих святых добродетели в себе соединивший! Радуйся, от ереси социалистической весь мир освободивший! Радуйся, с небесными силами Бога ныне прославляющий! Радуйся, все концы земли памятью твоею озаряющий! Радуйся, подлинные пути жизни духовной нам открывающий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 2 

 

Видяще обильную реку чудес, исцелений и помощи благодатной, от Всемилосердного Господа нашего по твоим, святый Иоанне-Павле Великий, молитвам истекающую, радости духовной и благоговения исполняемся и благодарим Творца и Бога нашего, тако прославляющего Святых Своих, и о тебе Ему со умилением и восторгом духовным взываем: «Аллилуйя!» 

 

Икос 2 

 

Разум твой учением Христовым умудривший, сердцем же твоим от дней детства твоего во благочестии богомудрыми родителями воспитанный, радость и утешение ближним твоим приносил еси, всехвальный угодниче Господень; и, видя суету мирскую, к Богу Всевышнему обратил взоры души твоей. Сего ради таковые похвалы тебе приносим: 

Радуйся, от юности всем сердцем твоим Иисуса возлюбивший! Радуйся, от утра жизни твоей Ему Единому поработавший! Радуйся, все заповеди Господни верно и непорочно сохранивший! Радуйся, на милосердие Бога-Отца упование твое возложивший! Радуйся, усердною молитвою ко Христу дух твой окрыливший! Радуйся, Всенепорочную Матерь Его горячо почитавший! Радуйся, к чтению святого Розария ревностно прилежавший! Радуйся, многий плод духовный о Христе сотворивший! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 3 

 

Сила благодати Божией чудесно от смерти лютой спасла тебя во дни Великой войны и сотворила тебя сыном Царствия Христова быти; ибо ты, преславный Кароль Войтыла, к Непорочной Деве Марии обратил взоры духа твоего и, молитвенно размышляя о тайне Креста Христова, все житие твое служению Богу и людям всецело посвятил, воспевая Господу песнь благодарения: «Аллилуйя!» 

 

Икос 3 

 

Имея деятельное попечение о спасении душ, вверенных тебе от Бога, святый отче, в разных градах и весях Речи Посполитой усердно и любовно многих чад духовных твоих наставлял в богоугодном житии христианском, поучая их Божественного Искупителя нашего и Его Всесвятую Матерь больше всех благ земных любить, искать свободы духовной и во всяком человеке видеть дитя Божие. Сего ради, от любви и усердия нашего прими достойные похвалы тебе: 

Радуйся, благодатию Бога-Отца озаренный! Радуйся, Христом Спасителем возлюбленный! Радуйся, силою Духа Святого свыше обличенный! Радуйся, прежде всего о Боге мыслить наставляющий! Радуйся, от пристрастия к земным богатствам нас исцеляющий! Радуйся, сокровища нетленные искать нас побуждающий! Радуйся, бедным отраду и вспоможение дарующий! Радуйся, богатых к милосердию и благотворению подвизающий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 4 

 

Бурю сомнений о путях жизни духовной разрешить желая, богомудрого и богоносного отца Пио- капуцина посетил, в Италии пребывая; старец же святой не только укрепил тебя в житии благочестивом и богоугодном, но предрек тебе, что по великому Промышлению Божьему суждено тебе взойти на престол апостола Петра. Ты же, все упование на Всемудрого и Милосердного Бога возлагая, воспел Ему: «Аллилуйя!» 

 

Икос 4 

 

Слышав слуга Божий кардинал Стефан Вышинский о ревностном пастырском служении твоем, трудах научных и богословских, глубокой вере твоей и истинной жизни христианской, призвал тебя, угодниче Божий, к служению епископа Церкви Римской; ты же, волю Варшавского святителя, как волю Господню восприял и во дни испытания духовного, постигшего страну твою, богомудрым и любвеобильным пастырем стал для духовных чад твоих. Сего ради такие похвалы приносим тебе: 

Радуйся, святый архиерей от Самого Господа пронареченный! Радуйся, пасти стадо Христово свыше избранный! Радуйся, Пастыреначальника Иисуса благоволение! Радуйся, иерархов Церкви Его благодатное укрепление! Радуйся, всехвальный приемниче святого Станислава! Радуйся, града Кракова и всей Польши украшение! Радуйся, Правды Божией во всем мире утверждение! Радуйся, всех истины взыскующих богославное озарение! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 5 

 

Богоявленной звезде, путь в Небесные обители указующей, подобен явился всем христианам по избрании твоем на престол апостола Петра, ибо ты деяниями и учениями твоими не только во дни многолетнего твоего понтификата наставлял и назидал паству твою, но и после честного успения твоего всем верным чадам и ученикам Христовым пути спасительные открываешь и научаешь чистым сердцем Господу взывать: «Аллилуйя!» 

 

Икос 5 

 

Видев тебя, святый отче наш Иоанне-Павле, произволением Божиим избранного на служение Первоепископа Церкви Вселенской, соотечественники твои и другие народы христианские возрадовались и возблагодарили Милосердного Господа, даровавшего им «папу из далекой страны». Ты же, святителю Христов, на действие Божие в истории рода человеческого уповая, многими трудами твоими ускорил освобождение мира христианского от пагубы коммунистической. Мы же, все это ныне вспоминая, величаем тебя: 

Радуйся, отраду и утешение народам славянским принесший! Радуйся, многих от зловерия к истине Божией обративший! Радуйся, великое попечение о соплеменниках твоих явивший! Радуйся, от заблуждений и кривотолков умы наши очищающий! Радуйся, от теплохладия сердца наши благодатно исцеляющий! Радуйся, внутренний мрак душ наших светом Христовым озаряющий! Радуйся, друг друга тяготы носить нас наставляющий! Радуйся, подлинной любви христианской всех научающий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 6 

 

Проповедник и апостол надежды, ревнитель славы Божией и христианского единства, явился в великом служении твоем, богомудрый наместниче Христов. Мы же, вспоминая об этом, просим тебя, святый отче, твоими молитвами богоприятными сподоби вместе с тобою во блаженной вечности воспевать Творцу нашему: «Аллилуйя!» 

 

Икос 6 

 

Возсиял, подобно солнцу, богодарованною мудростью твоею всему роду христианскому, научая паству твою и верующих иных исповеданий жизни благочестивой и богоугодной, богомыслию и упованию на милость Иисуса и Всенепорочной Матери Его. Ныне же укрепи нас, тебя столь набожно почитающих, молитвами твоими, да зовем ти: 

Радуйся, о величии и милосердии Бога-Отца возвестивший! Радуйся, ко Иисусу Христу сердца многих обративший! Радуйся, учение о Духе Святом преславно изъяснивший! Радуйся, свято чтить Святую Троицу нас научающий! Радуйся, от закваски фарисейской нас ограждающий! Радуйся, к искреннему покаянию нас призывающий! Радуйся, от праздности и слабости духа исцеляющий! Радуйся, доверие к Богу в сердцах наших пробуждающий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 7 

 

Желая достойным образом волю Божию исполнить, от дней детства твоего полюбил еси, святой Иоанн-Павел, молитвы ко угодникам Христовым возносить и подвигам и деяниям их всячески подражать; и когда Дух Святой призвал тебя ко служению архипастыря Церкви Вселенской, многих, прежде неведомых и неизвестных святых и блаженных прославил, да все христиане, на избранников Божиих уповая, взывают ко источнику всякой святости, Сладчайшему Господу Иисусу: «Аллилуйя!» 

 

Икос 7 

 

Нового в тебе, отче наш Иоанн-Павел, молитвенника и целителя душ и телес, чудотворца преславного и ходатая вечного спасения даровал нам Всемудрый Господь наш, к Нему же ты ныне вместе со ангельскими хорами взываешь и молишься пред престолом Его со всеми святыми и блаженными, тобою на земле прославленными, да дарует нам Иисус все к жизни земной и достижению Царствия Небесного нужное и полезное. Сего ради, к тебе, покровителю и помощнику нашему, взываем: 

Радуйся, в неизреченной Славе Творца миров созерцающий! Радуйся, со всеми ангелами и святыми хвалу Ему воспевающий! Радуйся, молитвы и прошения наши к престолу святой Троицы возносящий! Радуйся, все благие прошения наши исполняющий! Радуйся, к небесам умы и сердца наши обращающий! Радуйся, от вражды друг к другу христиан отвращающий! Радуйся, о единстве всех христиан Иисуса умоляющий! Радуйся, радостью духовной души наши наполняющий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 8 

 

Странствия многочисленные по всему миру совершил еси, святый наместниче Христов, невзирая на слабость тела твоего, ибо Дух Святый всечастно укреплял тебя в служении твоем; ты же, подобно апостолам Христовым, истину учения евангельского возвестил еси всем народам. Мы же, помня это, благодарим за все Милосердного Бога нашего, Дивного во Святых Своих, поюще Ему о тебе: «Аллилуйя!» 

 

Икос 8 

 

«Весь я твой; Totus tuus», - так взывал еси, святый Иоанн-Павел, ко Всенепорочной Матери Господа нашего Иисуса и Владычице нашей во дни земного жития твоего; ныне же, в небесной Славе созерцая Святую Богородицу, молитвами твоими приклони и к нам милость Сердца Ее, да сохранит нас Царица всех святых под покровом Своей благодати и с Сыном Божественным Своим примирит нас, Сыну Своему поручит нас и к Сыну Своему приведет всех нас. И уповая на это, тебе, святому служителю Пречистой Девы, таковые похвалы приносим: 

Радуйся, все упование на Царицу Ангелов возложивший! Радуйся, Пресвятой Богородице верно послуживший! Радуйся, Покровом Ее на всех путях твоих незримо осененный! Радуйся, в праздник образа Фатимского от гибели Ею спасенный! Радуйся, во дни и в нощи молитвы к Ней слезно возносивший! Радуйся, о чудесах и славе Ее всему миру возвестивший! Радуйся, о единстве христиан Приснодеву умоляющий! Радуйся, свято и праведно почитать Ее нас научающий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 9 

 

Всякого человека ко Иисусу Сладчайшему привести желая, святой Иоанн-Павел, верных чад Церкви Римской и всех людей доброй воли призвал еси к «новой евангелизации» и трудам во имя обращения ближнего ко Христу - источнику и смыслу жизни человеческой; да искренним и горячим сердцем и светлым разумом величают все народы Божественного Искупителя нашего, вопиюще Ему: «Аллилуйя!» 

 

Икос 9 

 

Витии многовещанныя не возмогут достойно воспеть все величие подвигов твоих и служения твоего, отче наш Иоанн-Павел Великий, и мы в сем акафисте не в силах привести тебе, возлюбленный наш архипастырю, праведные и достодолжные похвалы; но на милосердие же твое к нам, грешным, уповая, смиренно вновь к тебе взываем: 

Радуйся, от небесных обителей в юдоль плачевную нисходящий! Радуйся, отраду и утешение всегда нам посылающий! Радуйся, многообразные болезни телесные исцеляющий! Радуйся, в добродетелях веры и надежды нас утверждающий! Радуйся, пламень молитвы в сердцах наших возжигающий! Радуйся, любовь к Божьему творению в нас пробуждающий! Радуйся, ходить пред лицом Иисуса научающий! Радуйся, волю Его благую нас любить и творить подвизающий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 10 

 

Спасение вечное всем христианам желая даровать, Всемилосердный Господь наш, показал в тебе, всеславный Иоанн-Павел, образ жития благочестивого и праведного. Сего ради просим, угодниче Христов, озари и нас, грешных, светом великих добродетелей твоих, да сподобимся вместе с тобою в блаженной вечности ко Иисусу взывать: «Аллилуйя!» 

 

Икос 10 

 

Стену ненависти людской и гордыни дьявольской, род человеческий разъединяющую и христианское единение неосуществимым сотворяющую, многими благими деяниями твоими и молитвами горячими поколебал еси, богомудрый Иоанн-Павел; мы же, все это вспоминая, просим тебя: исцели и нас от вражды и ненависти и предстательством твоим у престола Святой Троицы весь мир христианский в единое стадо претвори и Единого пастыря ему испроси и приими величания сия: 

Радуйся, славу миротворца достойно восприявший! Радуйся, сего ради чадом Божиим нареченный! Радуйся, ко прощению обид и покаянию всех нас призывающий! Радуйся, славянские народы в мире жить научающий! Радуйся, о мире всего мира Творца умоляющий! Радуйся, иудеев и мусульман ко Иисусу обращающий! Радуйся, язычников светом Христовым просвещающий! Радуйся, неверующих светом веры озаряющий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 11 

 

Пение молебное у гроба твоего, святой Иоанн-Павел, не умолкало от дня всеславного успения твоего до светлого прославления твоего в лике святых Церкви Вселенской. Великое множество народа от всех концов земли приехало тогда в Рим, дабы проститься с тобою и молитвы на гробнице твоей сотворить, ибо все христиане ведали тебя Богоносным, равноангельским и любимым пастырем своим. Мы же, вспоминая сие, Богу Дивному во Святых Своих о тебе поем: «Аллилуйя!» 

 

Икос 11 

 

Свет нетварный со всеми спасенными созерцаешь ныне, Иоанн-Павел Великий, ибо чести великой предстоять пред престолом Святой Троицы удостоился еси святого и праведного жития твоего ради и великих трудов твоих во славу Божию. Мы же, на представительство и покровительство твое небесное уповая, таковые похвалы приносим тебе: 

Радуйся, милосердие Божие к нам преклоняющий! Радуйся, кающихся грешников с Сердцем Христовым примиряющий! Радуйся, об обращении заблудших Господа умоляющий! Радуйся, от обычаев душевредных сердца наши отвращающий! Радуйся, нравы добрые и благочестие в нас насаждающий! Радуйся, со всеми в мире жить нас научающий! Радуйся, супругов в любви и единомыслии сохраняющий! Радуйся, священников и монахов благодатно укрепляющий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 12 

 

Благодать чудеса многообразные творить приял от Всемогущего Господа нашего, святой и любимый отче наш Иоанн-Павел Великий; сего же ради исцеления и помощь во обстояниях скорбных подаешь всем, с верою к тебе приходящим. Мы же, радуясь Милосердию и Человеколюбию Господа нашего, явленным в тебе, вопием Ему: «Аллилуйя!» 

 

Икос 12 

 

Поюще радостную песнь хвалы и благодарения Господу нашему Иисусу Христу, прославившему тебя, святой отче Иоанн-Павел Великий, величаем тебя, дивный избраниче Спасителя и великий угодниче Господень, и просим тебя со всеми святыми, от века Творцом нашим прославленными: сотвори молитву о благоденствии и мире всех народов христианских, об обращении ко Христу, всех Его незнающих и непринимающих, о благе и единстве Церкви Его; да твоими молитвами спасаемые, с благодарением и радостью взываем: 

Радуйся, новый светильник веры, в наши дни верный путь Богу указующий! Радуйся, дух милосердия в сердцах наших воскресающий! Радуйся, от плевел ненависти сердца наши очищающий! Радуйся, светом любви нелицемерной нас озаряющий! Радуйся, от глада духовного всех нас избавляющий! Радуйся, данные Богу обеты исполнять побуждающий! Радуйся, в молитвах твоих нас не забывающий! Радуйся, слезы и воздыхания скорбящих с любовью утоляющий! Радуйся, святый отче наш Иоанне-Павле великий, архипастырю вселенский и теплый молитвенниче о спасении нашем! 

 

Кондак 13 

 

О, всеславный угодниче Божий и чудотворче, святой отче наш Иоанн-Павел Великий! Приими это малое моление наше, с горячею любовию сыновней тебе приносимое и умоли Господа Бога нашего даровать всем христианам единство и согласие, избавиться нам от всяких бед, скорбей и напастей, от нестроений общественных, междоусобной брани и внезапной смерти, да сподобимся в жизни вечной вместе с тобою Христу воспевать: «Аллилуйя!»