Акафист Пресвятой Фатимской Божьей Матери

 

Кондак 1

 

Избранной от всех родов Божьей Матери / Царице и Владычице Нашей / похвальнее пение приносим, как заступнице рода христианского// Ты же, всеблагая предстательнице наша перед Господом / Умоли Сына Твоего и Бога Нашего / даровать нам наследие благ вечных / да к Тебе взываем:

Радуйся, Владычице мира, образом Твоим Фатимским благодать и милость нам явившая!

Или: Радуйся, Владычице мира, через образ Твой Фатимский благодать и милость нам явившая!

 

Икос 1

 

Ангелы на небесах непрестанно воспевают славу Тебе, Дева и Матерь Всевышнего; мы же, еще на земли пребывая, с любовию величаем Тебя, Пречистая Богородице, ради великих и преславных Фатимских явлений Твоих и ради всех милостей Твоих, от века всему роду христианскому Тобою дарованных, и просим Тебя, молитвами Твоими приведи нас в светлые чертоги Отца Небесного, дабы и мы со всеми ангелами и святыми славословили Всемилосердного Бога Нашего. Сего ради к Тебе, заступнице Нашей и Путеводительнице ко Отечеству Небесному взываем:

Радуйся, небес и земли Царице, венцем звезд немеркнущих сияющая!

Радуйся, огонь любви ко Христу в сердцах наших воспламеняющая!

Радуйся, более всего земного любить Сына Твоего нас научающая!

Радуйся, радостно исполнять Его заповеди наставляющая!

Радуйся, к покаянию и исправлению жития взоры духа нашего направляющая!

Радуйся, в благочестии, целомудрии и правде Божьей нас утверждающая!

Радуйся, молитвами твоими бездну Милосердия Божьего христианам отверзающая!

Радуйся, лучезарная Вратарнице, двери райские верным открывающая!

Радуйся, Владычице мира, образом Твоим Фатимским благодать и милость нам являющая!

 

Кондак 2

 

Видят Тебя, Пречистая Матерь Христова, все Силы Небесные, всегда предстоящую пред Престолом  Божиим и за всех христиан молящуюся Сыну и Богу Твоему. Мы же, грешные, созерцая образ Твой Фатимский и к нему припадая, Тебе Самой радостно поклоняемся, взывая: «Аллилуйя!»

 

 

Икос 2

 

Разум человеческий не может постигнуть всю полноту величия Твоего, Пресвятая Богородице, ибо Божественный Сын Твой, Творец и Спаситель мира превознес Тебя выше всего на небесах и земли сущего и Царственной короною во Царствии Своем вместе со Отцем и Духом Святым венчал Тебя. Мы же, очами веры созерцая славу Твою и, Всенепорочная Матерь Божия, просим Тебя: удостой и нас вместе со всеми спасёнными на небесах славить Иисуса Христа, Сына Твоего и Бога Нашего и приими сердечно приносимые Тебе величания сия:

Радуйся, от Архангелов поклонение принимающая!

Радуйся, от всех ангельских хоров превозносимая!

Радуйся, Серафимами и Херувимами величаемая!

Радуйся, от всех святых Божиих  воспеваемая!

Радуйся, Церковью Христовою прославляемая!

Радуйся, от заблуждений духовных нас исцеляющая!

Радуйся, печали наши в радость претворяющая!

Радуйся, милосердием Твоим нас укрепляющая!

Радуйся, Владычице мира, образом Твоим Фатимским благодать и милость нам являющая!

 

Кондак 3

 

Силу Божественной благодати даруй нам, Всенепорочная Дево, дабы смогли всегда беспорочно идти спасительным путем заповедей Христовых и чистым сердцем и устами нескверными воспевать Всемогущему Богу: «Аллилуйя!».

 

Икос 3

 

Имея великое попечение и неизреченную любовь материнскую к народам славянским, Пресвятая Мати и Госпожа Наша, множество икон Твоих Святых даровала людям сим, и Гору Ясную под Покров Свой прияла и обители иноков-паулинов честный образ Ченстоховский милостиво даровала. Мы же, вспоминая ныне многочисленные чудеса Твои, на молящихся Тебе с верою источаемые, с благодарением взываем Ти:

Радуйся, чудесами от святой иконы Твоей Ясную Гору прославляющая!

Радуйся, народ Речи Посполитой от иноземцев многожды спасавшая!

Радуйся, в годину смут и нестроений чудо на Висле явившая!

Радуйся, от нашествия безбожников страну Польскую сохранившая!

Радуйся, имя королевы Польши от народа сего радостно приявшая!

Радуйся, всегда и во всем уповать на Сына Твоего наставляющая!

Радуйся, всех приходящих к Тебе от скорбей и бед избавляющая!

Радуйся, от искушений и грехопадений нас оберегающая!

Радуйся, Владычице мира, образом Твоим Фатимским благодать и милость нам являющая!

 

 

Кондак 4

 

Бури греховной избежать и в тихое пристанище покаяния прийти помоги нам, Пречистая Дево, Искупителя и Спасителя душ наших родшая; сего ради  просим Тебя: вновь простри к Сыну Твоему (и Богу Нашему)   Богоносные руки Твои и умоли Его всех нас помиловать и спасти, да благодарно воспеваем Ему о Тебе: «Аллилуйя!».

 

Икос 4

 

Слышит и знает весь мир христианский, как Ты, Пречистая Дева Мария, многократно прежде и после явлений Твоих Фатимских от бед, болезней, нашествия иноплеменников и междоусобной брани избавляла страну Российскую и ее народы, и как люди русские искренним сердцем горячо благодарили Тебя, Царице Небесная, за великое милосердие и любовь Твою к ним. Сего ради молим Тебя: вновь воспламени пламень веры Христовой в России и настави всех в ней живущих славить Тебя:

Радуйся, под Покровом Твоим землю Российскую и ныне сохраняющая!

Радуйся, во дни древние великие чудеса в ней сотворившая!

Радуйся, и в наше время благоволение Твое нам явившая!

Радуйся, дух истины Христовой в сердцах обновляющая!

Радуйся, о соединении Церквей Сына Твоего умоляющая!

Радуйся, ревность о Славе Божьей в души наши вселяющая!

Радуйся, из глубины греховной к высоте духовной нас возводящая!

Радуйся, гнев Божий  молитвами Твоими умягчающая!

Радуйся, Владычице мира, образом Твоим Фатимским благодать и милость нам являющая!

 

Кондак 5

 

Богоявленной звезде, волхвам путь ко Христу указавшей, подобен явился Ангел Господень, которого Ты, Царица Небесных хоров, послала (еси) к детям Фатимским, дабы предуготовить их к явлениям Твоим; вспоминая об этом, смиренно просим Тебя, Преблагословенная Владычице Наша, укрепи веру нашу, и научи нас, подобно чистым детям, радостно петь Сыну Твоему: «Аллилуйя!»

 

Икос 5

 

Видевше пастушки Фатимские Божьего Ангела-Хранителя мира к ним с небес спускающегося, во умилении (кротких и чистых сердец своих) созерцали его красоту неземную; и им же наученные, из рук его Пресвятые Тело и Кровь Христову приявши, стали горячо молиться Всемогущему  Богу об обращении всех заблудших и неверных чад Его. Вспоминая об этом, мы величаем Тебя, святая Дева и Царица Ангелов, и вновь к тебе взываем:

Радуйся, Ангелов на спасение наше посылающая!

Радуйся, Царице небесных хоров, помощь их нам дарующая!

Радуйся, Ангелам хранить нас повелевающая!

Радуйся, воинством ангельским врагов наших поражающая!

Радуйся, ко спасению и восприятию вечных благ наставляющая!

Радуйся, на путь исправления заблуждающихся направляющая!

Радуйся, нераскаянных грешников к покаянию обращающая!

Радуйся, страх Божий в сердца верных влагающая!

Радуйся, Владычице мира, образом Твоим Фатимским благодать и милость нам являющая!

 

Кондак 6

 

Проповедников и возвестителей воли Твоей, (апостолам Христовым в вере и мужестве своем подобных) сотворила (еси), Пресвятая Богородице, пастушков Фатимских, в испытаниях и подвигах благодатию Твоей их укрепивше, к славе Святых Своих привела их; и ныне вместе со блаженными Франшиском, Жасинтой и слугой Божией матерью Лучией, благословенным архипастырем нашем Иоанном-Павлом Великим во славе предстоишь Престолу Сына Твоего, со всеми святыми и праведными взывая Ему: «Аллилуйя!»

 

Икос 6

 

Возсиял свет великой и неизреченной славы Твоей, Всенепорочная Матерь Христова, благочестивым пастушкам Фатимским, когда в Кова-да-Ирия (поле мира), первый раз явления Твоего их удостоила; дети же со трепетом словам Твоим внимая, всем сердцем своим устремились к Тебе и Божественному Сыну Твоему и Спасителю Нашему. Вспоминая об этом, просим Тебя, Пресвятая Богородице, научи и нас Христа Бога Нашего на первое место, прежде всего иного, ставить и приими благосклонно величания сия:

Радуйся, великую милость Твою отрокам благонравным явившаяся!

Радуйся, светом небесным поле мира озарившая!

Радуйся, доверие к Богу в сердцах наших пробуждающая!

Радуйся, от сомнений и маловерия нас освобождающая!

Радуйся, открываться благодати Божьей нас научающая!

Радуйся, от мрака душевного и соблазнов мирских нас избавляющая!

Радуйся, от пристрастий греховных души наши исцеляющая!

Радуйся, молитвами Твоими от вечной погибели нас спасающая!

Радуйся, Владычице мира, образом Твоим Фатимским благодать и милость нам являющая!  

 

Кондак 7

 

Желая (Хотяще) во всем мире почитание Непорочного Сердца Твоего утвердити, Пречистая Богородице, во втором и третьем явлениях Твоих сподобила пастушков Фатимских узреть Сердце Твое со всех сторон шипами исколотое и о грехах рода человеческого скорбящее; дабы все христиане, уповая на Милосердие Сына Твоего, пришли к Нему с покаянием и благодатию Его очищение и обновление воспели Ему: Аллилуйя!»

 

Икос 7

 

Новое откровение о судьбах всего мира и страны российской дала (еси), Всесвятая Матерь Божия, когда в третий раз пришла на Кова-да-Ирия, видения гиены огненной и душ, во аде страждущих, сподобила (еси) детей Фатимских, дабы узнали все последователи Господа Иисуса, что (переполнилась чаша гнева Божия  и) приблизилось - наказание мира (за отступление от веры) – война, голод и гонения за веру, и просила всех молиться об обращении к Богу России, дабы мир и благоденствие восторжествовали на земли. Мы же, вспоминая об этом, вновь к Тебе взываем:

Радуйся, явлением небывалого света об испытаниях народам Европы возвестившая!

Радуйся, во брани с врагами веры христиан преславно укрепившая!

Радуйся, о возвращении России к Богу молиться всех призвавшая!

Радуйся, горячим молитвам страждущих чудесно внимавшая!

Радуйся, на пути добродетелей христианских нас утверждающая!

Радуйся, через святую евхаристию духовный пламень в нас возжигающая!

Радуйся, кающихся грешников с Сердцем Христовым примиряющая!

Радуйся, в Материнском Сердце Твоем нас сохраняющая!

Радуйся, Владычице мира, образом Твоим Фатимским благодать и милость нам являющая!

 

Кондак 8

 

Все упование на Тебя возлагаем, Матерь Божия, и в скорбях и болезнях ко святому образу Твоему Фатимскому с благоговением и верою притекаем, надеясь скорое утешение и исцеление получить. О, Пресвятая Царице Богородице, воззри милостиво на нас и ниспошли  всё на пользу нам в сей жизни и в будущей. Да прославляя Твое милосердие воспеваем Творцу Богу: «Аллилуйя!»

 

Икос 8

 

Всею душею, всем сердцем и всем помышлением своим возлюбили Тебя, Всеблагая Богоматерь, благословенные дети Фатимские и словам Твоим во время четвертого и пятого явлений Твоих со трепетом и благоговением внимая, молитвы Розария с жертвою за грешников и подвигами благочестия сопрягали (и тако к венцев святости небесной, Тобою укрепляемые и вдохновляемые, достигли.) Мы же ныне просим Тебя, Дево Достославная, озари и нас благодатию Твоею, да вновь Тебя величаем:

Радуйся, омраченных светом богопознания и благочестия озаряющая!

Радуйся, через молитву Розария великие милостыни нам посылающая!

Радуйся, нас земнородных к Богу приближающая!

Радуйся, в непорочном житии верных укрепляющая!

Радуйся, свято почитать Тебя всех нас научающая!

Радуйся, дух любви и милосердия в сердцах наших воскрешающая!

Радуйся, друг друга тяготы носить наставляющая!

Радуйся, от всяких бед и несчастий избавляющая!

Радуйся, Владычице мира, образом Твоим Фатимским благодать и милость нам являющая!

 

Кондак 9

 

Всех славословий, гимнов и похвал, обетов и жертв, во всем мире христианском благодарными людьми Тебе, Царице Ангелов и святых, приносимых не будет достаточно, дабы справедливо возблагодарить Тебя, Заступницу и Утешительницу Нашу, за все Твои милости, нам ниспосланные. Мы же, сознавая недостоинство свое, о Тебе, Любящей Матери Нашей, возвеличевшему Тебя Предвечному Богу-Отцу поем: «Аллилуйя!»

 

Икос 9

 

Ветийское искусство и гений поэтический достойно и праведно восхвалить не могут все милости Твои, Пресвятая Владычице, через образ Твой Фатимский нам дарованные. Мы же, зная о Любви и милосердии Твоем к грешному роду человеческому, в смирении сердечном и благоговении духовном к Тебе взываем:

Радуйся, чистотою Твоею чистому житию нас научающая!

Радуйся, холодность душевную благодатно согревающая!   

Радуйся, благие желания наши исполняющая!

Радуйся, отчаянным радость и  надежду возвращающая!

Радуйся, материнскою любовию нас согревающая!

Радуйся, покаяние павших приемлющая и к престолу Божьему возносящая!

Радуйся,  бедным и нищим отраду и утешение посылающая!

Радуйся, богатых к милосердию и благотворению подвигающая!

Радуйся, Владычице мира, образом Твоим Фатимским благодать и милость нам являющая!  

 

Кондак 10

 

Спасти желая  весь род человеческий от пагубы и заблуждений во многих явлениях твоих, Пресвятая Дево, возвестила миру, Творца и Искупителя Своего забывшему, что без веры в во Всемогущество и Милосердие Сына Твоего рождаются скорби, исчезает радость и мир погружается во мрак; но не такова воля Господня, ибо через Тебя призывает нас Иисус к личному обращению, покаянию и радостному пению : «Аллилуйя!»

 

 

Икос 10

 

Стену маловерия, сомнения и недоверия Богу разрушить желая, Всеславная Матерь Христова, чудо великое – пляску солнца – сотворила (в тот час, когда восток мира христианского воздавал Тебе честь пресветлого праздника Покрова Твоего ради) во время шестого явления Твоего в Фатиме и великое множество народа к вере привила и в вере утвердила; а прежде всего, всем людям возвестила, да «перестанут они оскорблять Господа, ибо Господь и без того уже претерпел слишком много оскорблений». Сего ради вновь к Тебе взываем:

Радуйся, волны сомнений о камень веры разбивающая!

Радуйся, светом Христова учения тьму неверия разгоняющая!

Радуйся, чудесами Твоими слабую веру нашу утверждающая! 

Радуйся, ожесточенно враждующих примиряющая!

Радуйся, к Небесам умы и сердца наши возводящая!

Радуйся, к познанию любви Божьей нас приводящая!

Радуйся, руку милосердия погибающим простирающая!

Радуйся, прославляющих Тебя пред Богом прославляющая!

Радуйся, Владычице мира, образом Твоим Фатимским благодать и милость нам являющая!  

 

Кондак 11

 

Пение молебное во граде Риме Епископы Церкви Вселенской во главе со богомудрым слугою Божьим святым отцом Пием Х11 вознесли Тебе, Пресвятая Богородице, весь мир и народы России покровительству и опеке Твоего Всенепорочного и Вселюбящего Материнского Сердца посвящая, да прекратится вражды и да воцарится на земли мир и благоденствие, и да воспоют все народы Сыну Твоему и Богу Нашему: «Аллилуйя!»

 

Икос 11

 

Свет Божественной благодати непрестанно сияет во образе Твоем Фатимском, Пресвятая Богородица; им же озаренные люди многие в многих городах и разных странах с радостью великой встречали сей образ Твой. Ты же, Милосердная Матерь Наша, веру их зряще, обильным источником помощи благодатной, исцелений и чудес явилась роду христианскому, страждущему человечеству благодать Твою и Надежду даруя. В день же празднования Святого Образа Твоего во граде Риме от смерти лютой спасла святого отца нашего Иоанна-Павла Великого. Мы же, с радостью все это вспоминая, просим Тебя, Царице Наша, возведи нас от мрака суеты к Свету Христову и приими величания сия:

Радуйся, от зловерия коммунистического мир освободившая!

Радуйся, в годину смут и невзгод веру утвердившая!

Радуйся, во дни уныния надеждою вечных благ воодушевившая!

Радуйся, недуги телесные и язвы душевные исцеляющая!

Радуйся, слепым – зрение, глухим – слух возвращающая!

Радуйся, хромым радость хождения дарующая!

Радуйся, в час смертный тьму бесовскую от нас отгоняющая!

Радуйся, безболезненную и мирную кончину нам устрояющая!

Радуйся, Владычице мира, образом Твоим Фатимским благодать и милость нам являющая!  

 

Кондак 12

 

Благодатию и щедротами Твоими, Премилосердная Владычице, не оставляешь  христиан, имя Твое свято чтущих, даруя скорбящим утешение, обидимым заступление, болящим и всем сущим в бедах многоразличных избавление, сего ради прославляюще Тебя, благодарственно вопием Богу: «Аллилуйя!»

 

 

Икос 12

 

Воспевая глубину Твоего Милосердия, Матерь благодати Божьей, веруем, что молитвы Твои восхищают и избавляют от ада кромежного (от страданий в чистилище освобождают), что слезы Твои отверзают нам многогрешным двери райские. Сего ради просим Тебя, Любвеобильная Матерь Наша, помяни во святых Твоих молитвах всех живых и умерших и приими величания сия:

Радуйся, обращение России к Богу приближающая!

Радуйся, со всеми в мире жити нас научающая!

Радуйся, супругам любовь и согласие подавающая!

Радуйся, священников и монахов благодатно укрепляющая!

Радуйся, приемнику святого Петра (Папе Римскому) поддержку Твою посылающая!

Радуйся, безбожников и язычников к Сыну Твоему приводящая!

Радуйся, иудеев и мусульман светом веры преславно озаряющая!

Радуйся, от междоусобной брани народы христианские сохраняющая!

Радуйся, Владычице мира, образом Твоим Фатимским благодать и милость нам являющая!

 

Кондак 13

 

О, Всепетая Матерь Сладчайшего Господа нашего Иисуса Христа, милостиво приими сие малое моление наше, избави нас от всякой напасти, болезни и внезапной смерти и сподоби всех нас наследниками быть Царствия Небесного и со всеми святыми воспевать Сыну Твоему и Богу нашему: «Аллилуйя!»

 

Сей кондак читается трижды, Затем икос 1 и кондак 1.